ئەڤسالە ھژمارەکا لژنان بۆ تاپۆکرنا خانیێن زێدەگاڤی ھاتینە پێکئینان و سەرۆکێ لژنا باژێڕڤانیان ژی ئاشکراکر، حەفتیا بھێت دێ پەرلەمان ب رێیا لژنا باژێڕڤانیان دوڤچوونا پرۆسا وەرگرتنا مامەلەیێن خانیێن زێدەگاڤی کەت.
لوقمان وەردی، سەرۆکێ لژنا باژێڕڤانیان ل پەرلەمانێ کوردستانێ بۆ ئاژانسا خانی دیارکر: لدووڤ برگەیێن قانوونا تاپۆکرنا خانیێن زێدەگاڤی ئێک سال دەلیڤە ھەیە وەلاتیێن خانیێن زێدەگاڤی ھەی مامەلەیێن خوە پێشکێشی لژنەیێن تایبەتمەند بکەن و بەرۆڤاژی پشتی تەمامبوونا دەمێ قانوونی وەلاتی نەشێن مامەلەیێن خوە پێشکێشی لژنان بکەن و دێ ھێنە بێ بەھرکرن ژ تاپۆکرنا خانیێن زێدەگاڤی، دەلیڤا سالەکێ بۆ تاپۆکرنا خانیان دەلیڤەیەکا زێڕینە بۆ کەسێن خانیێن زێدەگاڤی ھەین و دڤێت ژ دەستێ خوە نەدەن.
