هەلویستێ فەرمی یێ ئا‌تله‌تیکۆ مەدرید ده‌ربارەیی دروستکرنا رێرەوێ رێزلێنانێ بۆ ریال مەدرید

 

دیێگۆ سیمیۆنی، راهێنەرێ یانا ئاتله‌تیکۆ مەدرید هەلویستێ یانا خوه‌ ده‌ربارەیی دروستکرنا رێرەوێ رێزلێنانێ بۆ یانا ریال مەدرید ئاشکرا کر.

ل رۆژا ئێکشەمبی ل یارییا دێربییا مەدرید دا، هەردو یانێن ئاتله‌تیکۆ مەدرید و ریال مەدرید دێ رووبروو ئێک بن، حەفتییا بوری ریال مەدرید بەرامبەر ئیسپانیۆل ناسناڤێ لالیگایێ ئێکلا کرییە، پرسا دروستکرنا رێڕەوێ رێزلێنانێ بۆ یانا شاهانە میدیایێن ئیسپانیا ب خوه‌ڤه‌ مژوول كرینه‌.

دیێگۆ سیمیۆنی و یاریزانێن ئاتله‌تیکۆ مەدرید د ئامادەنینن وی رێره‌وی بۆ یاریزانێن ریال مەدرید دروست بکەن.

د کۆنگره‌كێ رۆژنامەڤانی دا بەری وێ یارییێ، سیمیۆنی گوتییه‌ ” هه‌ڤركی گه‌له‌ك یا ب هێزە، هێشتا وێ هێزێ دبینین یاكو هەیی، هەرده‌م رووبرووبوون ل گه‌ل یانه‌كا وەکو ریال مەدرید دبیته‌ سەرسورهێنەر.

سیمیۆنی گوت ژی ” ئه‌م گه‌له‌ك رێزێ ل ریال مه‌درید دگرین، نوكه‌ ئه‌و قاره‌مانن، به‌لێ رێزێ ل پشته‌ڤان و خه‌لكێ خۆ دگرین كو پتر ئه‌و ل گه‌ل مه‌نه‌.

دیێگۆ دبێژیت ژی: ” دروستکرنا رێڕەوێ رێزلێنانێ کلتۆرێ ئیسپانییانە، ئه‌ز ئەرجەنتینی مه‌ و ئەڤە د کلتۆری مەدا نینە.”