<h3></h3> <h3></h3> <h3><span style="font-size: 18pt;">رێكخراوا بازرگانى یا جیهانى" هوشداریێ دده‌ت كو شه‌رێ دناڤبه‌را رووسیا و ئوكرانیا هیڤێین بازرگانى یێن جیهانى داكه‌فتینه و بها بلند كرینه بۆ سه‌ر ستاندا‌ردێن نیڤده‌وله‌تى.</span></h3> <h3><span style="font-size: 18pt;">ئه‌گوزى یوكانجۆ وه‌یلا سه‌رۆكێ رێكخراوا بازرگانیا جیهانى دیار كر: كاریگه‌رییه‌كا ژنشكه‌كێ ڤه ل سه‌ر ئابووریا جیهانى ده‌ركه‌فتییه و بلندبوونا بهایێن كه‌لوپه‌لان و وزێ و ئه‌و كانزایێن كو ژ رووسیا و ئوكرانیا به‌رهه‌م دهێن .</span></h3> <h3><span style="font-size: 18pt;"> رێكخراوا بازرگانیا جیهانى پێداچوون د پێشبینیێن خوه دا بۆ گه‌شه‌یا بازرگانیا جیهانى كرییه و دبێژیت" ل سالا 2022 ێ دا قه‌بارێ بازرگانییا جیهانى ب تنێ ب رێژا 3% ێ گه‌شێ دكه‌ت د ده‌مه‌كى دا كو دبه‌رێ دا راگه‌هاندبوو ئه‌و رێژه 4.7% ێ یه.</span></h3> <h3><span style="font-size: 18pt;">ئه‌و رێكخراوه دبێژیت ژى: لدوووڤ ڤه‌كۆلینان بۆ وان دیاربوویه كو د ده‌مێ قه‌یرانان دا دڤێت قه‌بارێ بازرگانى زێده بیت بۆ قه‌ره‌بوویا كێم و كاسیان" هه‌روه‌سا دڤێت بهێنڤه‌دانه‌كێ وه‌رگرین وهه‌ناسه‌‌كێ هه‌لكێشین و هزر د پێشڤه‌برنا هاریكارییا چه‌ند لایه‌نێن دناڤبه‌را وه‌لاتان دا بده‌ین .</span></h3> <h3><span style="font-size: 18pt;">د هه‌مان ده‌مدا دڤێت چاڤخشاندنه‌كێ د وێ چه‌ندێ دا بكه‌ین كو سیسته‌مێ بازرگانى یێ چه‌ند لایه‌نێن نێڤده‌وله‌تى دا نوكه دشێن چ بۆ مه بكه‌ن. لدوووڤ رێكخراوا بازرگانیا جیهانى ژ ئه‌گه‌رێ شه‌رێ رووسیا و ئوكرانیا خزمه‌تگوزارییا بازرگانى ل جیهانێ زیانێن مه‌زن به‌ردكه‌ڤن و گه‌شه‌یا ئابووریا جیهانى ژى ب رێژا 1.3% ێ دادكه‌ڤیت.</span></h3> <h3><span style="font-size: 18pt;"><strong> </strong></span></h3> <h3><span style="font-size: 18pt;"><strong> </strong></span></h3> <h3><span style="font-size: 18pt;"><strong> </strong></span></h3> <h3><span style="font-size: 18pt;"><strong> </strong></span></h3> <h3><span style="font-size: 18pt;"><strong> </strong></span></h3> <h3><span style="font-size: 18pt;"><strong> </strong></span></h3> <h3></h3> <h3></h3>
