ل ھەمی سالان ل رۆژا حەفتی نیسانێ رێکخراوا ساخلەمییا جیھانی (WHO) و سازیێن ساخلەمیێ ب مەرەما دانە نیاسینا رۆژا جیھانی یا ساخلەمییێ، ب سەدان چالاکیان ئەنجام ددەن بۆ ھۆشیارکرنا خەلکی ژ پێخەمەت گرنگیدانێ ب ساخلەمیا خۆه و پێدڤیێن ساخلەمیێ و نوژداری پێشکێش دکەن. رێكخراوا ساخلەمیا جیھانی (WHO) ل سالا (1948)ێ بۆ جارا ئێكێ رۆژا حەفتی نیسانێ وەکو رۆژا جیهانی یا ساخلەمیێ دیار کر، ژ وی دەمی تا نوکە رێكخراوا ناڤبری بزاڤێن خۆه چڕ کرینە بۆ گەھاندنا زێدەترین ھاریکار و پێدڤیان بۆ وان کەسێن پێدڤی ب چارەسەریێ و ھاریکاریێ ھەی. ئارمانج ژ بزاڤێن رێکخرا جیھانی یا ساخلەمییێ، ھشیارکرن و دابینکرنا پێدڤیێن نوژداری و ساخلەمیێ یه. ھەر د رۆژا جیھانی یا ساخلەمیێ دا رێکخراوا ساخلەمییێ گرنگیێ ب داتا و ئامارێن تایبەت یێن ساخلەمیێ ددەت و ب جۆر و رێژە نەخوشییێن گشتی و مەترسییێن پیسبوونا ژینگەھێ و تەمام رەوشا جیھانێ ددەتە دیارکرن. ل ھەرێما کوردستانێ ژی رێکخراو و سازییێن نوژداری د ڤێ رۆژێ دا چەندین چالاکیێن ساخلەمییێ و ھەوێن ڤاکسین دانانێ و ھشیار کرنێ ئەنجام ددەن.
