خویشکا کیم جۆنگ ئوونى بۆ كۆریا باشوور: ئه‌م دشێین ب ئه‌تومى هه‌وه‌ ژناڤببه‌ین

خویشكا كیم جۆنك ئوون-ى سه‌رۆكێ كۆریا باكوور ئاگه‌هداریێ دده‌ته‌ كۆریا باشوور و رادگه‌هینیت، ئه‌گه‌ر وى وه‌لاتى بڤێت به‌رى وه‌خت هێرشێ بكه‌ته‌ لسه‌ر وه‌لاتێ وان، ئه‌و دێ چه‌كێ ئه‌تۆمى بكارئینیت بو ژناڤبرنا سوپایێ كۆریا باشوور .

كيم يو جونگ خویشكا سه‌رۆكێ كۆریا باكوور ئاماژه‌ ب هندێ ژى كر، هه‌رچه‌نده‌ كۆریا باشوور دوژمنێ سه‌ره‌كى یێ وه‌لاتێ وان نینه‌، به‌لێ ئه‌گه‌ر هه‌ر پێنگاڤه‌كا له‌شكه‌رى دژى وان بكاربینیت ئه‌و دێ دژى وه‌لاتێ وان چه‌كێ ئه‌تومى بكارئینیت.
دیار ژى كر، كۆریا باكوور و باشوور ئێك گه‌لن نابیت ئالوزى دناڤبه‌را واندا په‌یدابیت.
ئه‌ڤه‌ دده‌مه‌كێدایه‌، سۆ ووك وه‌زیرێ به‌رگری كۆریا باشوور راگه‌هاند، سوپایێ كۆریا باشوور شیانێن به‌رسڤدانێ هه‌نه‌ ئه‌گه‌ر كۆریا باكور هێرشێن موشه‌كى بكه‌ته‌ سه‌ر. دیار ژى كر، كۆریا باشوور دێ به‌رده‌وامبیت د پێكۆلان بۆ په‌ره‌پێدانا ب موشه‌كێن بالیستى.
ئه‌ڤ چه‌نده‌ لدوڤ هندێ دهێت كۆریا باكوور ل 2ى ئادارێ دووباره‌ ده‌ست ب تاقیكرنین موشه‌كیێن بالیستى كربوو‌.