سەباح حەیدەر: دوور دبینم 6 نیسانێ کۆمبوونا پەرلەمانی بھێتە ئەنجامدان

گورەی دستووری 6ی نیسانێ دێ ژڤانێ دیارکرنا سەرۆککۆماری دوماھی بھێت و پەرلەمانتارەکێ پارتی ژی بدوور دبینیت بێی رێکكەڤتنا بەروەخت کۆمبوون بھێتە ئەنجامدان و دبێژیت، ئەگەر سەدر شیا پشکەکا ھەڤپەیمانیا چوارچوڤا شیعی رازیکەن دێ زۆر ساناھی سەرۆککۆمار ھێتە ھەلبژارتن.

سەباح حەیدەر، پەرلەمانتارێ پارتی ل بەغدا بۆ ئاژانسا خانی راگه‌هاند: گورەی دستووری 6ی نیسانێ دوماھی ژڤانە بۆ ھەلبژارتنا سەرۆککۆمارێ عیراقێ، بەلێ پشتی کۆمبوونا بۆری ده‌مێ کۆمبوونا ھاتیە پاشخستن بۆ دەمەکێ نەدیار، دھێتە پێشبینیکرن کۆمبوونا پەرلەمانی ددەمێ خوە یێ دیارکری بڕێڤەنەچیت ھەتا 6ی نیسانێ، چونکە رێکەفتن نینە بۆ تەمامکرنا نیسابا قانوونی بۆ دیارکرنا سەرۆککۆماری.

سەباح حەیدەر دیاركر: ب دیتنامن کۆمبوونا ھەلبژارتنا سەرۆککۆماری دێ دەمەکیدا ھێتە ئەنجامدان، کو رێکكه‌ڤتن ھەبیت دناڤبەرا لایەنێن سیاسی بێی رێکكەڤتن زەحمەتە کۆمبوون بڕێڤەبچیت، ئەوژی گرێدایی کۆتلەیا سەدر و پشکەکا ھەڤپەیمانیا چوارچواڤا ھەماھەنگیا شیعی ڤە گرێدایە، ئەگەر بھێت و سەدر دگەل پشکەکا ناڤا چوارچوڤا شیعی بگەھتە رێکكەڤتنێ ئەڤە بشێوەیەکی زۆر ئاسایی دێ کۆمبوون ھێتەکرن و سەرۆککۆمار ژی دێ ھێتە دیارکر.