نێچیرڤان بارزانی ده‌ربارەی جۆداهی و بۆچوونێن لایەنێن کوردستانی راگه‌هاند: مەرجێ سەرکەفتن و تێپەراندنا ڤێ قووناغێ ب تنێ ئه‌وه ئێكرێز بین و پێکڤە بین، چونکی ب لێکترازانێ چ لایەنێن کوردستان چو ب دەست ناکەڤیت.
نێچیرڤان بارزانی، سەرۆکێ هەرێما کوردستانێ راگەهاند، ب پێکڤه‌بوونێ دێ گه‌له‌ك ده‌ستكه‌فت ب ده‌ست مه كه‌ڤن، ب لێکترازان و دوورکەفتنێ” هه‌وه دلنییا دكه‌م چ لایەنێن کوردستانی چو ب دەستناکەڤیت” هه‌كه ئێک رێز نەبین ب چو ره‌نگان نه‌شێین دەستکەفتێن خوه بپارێزین و پێشبێخین.
ئەڤرۆ سێشەمبی” 15-02-2022 ێ ل سالییادا وه‌غه‌ر كرنا د. رۆژ نوری شاوەیس، ئەندامێ به‌رێ یێ مەکتەبا سیاسی یا پارتی دیموکراتی کوردستان، نێچیرڤان بارزانی سه‌رۆكێ هه‌رێما كوردستانێ گوتاره‌ك پێشکێشکر و راگەهاند، ب ئێکرێزی دشێین دەستکەفتێن هەرێما کوردستانێ بپارێزین “کاکە رۆژ ژی گه‌له‌ك یێ رژد بوو د پاراستنا وان ده‌ستكه‌فتان دا” بۆ ڤێ ژی چ ئێكه‌تی چ پارتی چ لایەنێن سیاسی یێن کوردستانی بن، ئەوا ئەڤرۆ مه هه‌یی ب سایا خەباتا کاکە رۆژی و هەڤالێن دیترە.”
