رێواز فایق سه‌رۆكا په‌رله‌مانێ كوردستانێ داخواز ژهه‌موو ئه‌ندامێن په‌رله‌مانێ كوردستانێ كر، كو پشكدارى كۆمبوونا ئاسایى یا ژماره 7 یا خولا پائیزا سالا سیێ ژ خولا هه‌لبژارتنێن پێنجێ یا په‌رله‌مانێ كوردستانێ عێراقێ ل رۆژا سێ شه‌مبى رێكه‌فتى 23/11/2021 ئاماده‌بن كو به‌رنامێ كارى یێ رۆینشتنێ دێ ب ڤى ره‌نگى بیت.
ئێك : خواندنا ئێكێ بۆ پێشنیار و پرۆژێ قانونا پشت به‌ستنێ ب حكمێ برگا دووێ و پێنجێ یێ مادێ 78 و مادێ 79 و برگا ئێكێ یێ مادێ 83 ل په‌یره‌وێ ناڤخوه یێ په‌رله‌مانێ كوردستانێ.
1 – پێشنیازا قانونا به‌رهه‌نگاربوونا توندوتیژیێ دژى خێزانێ و ئافره‌تێ ل هه‌رێما كوردستانا عێراقێ.
2– پێشنیارا قانونا راستڤه‌كرنا قانونا سه‌لماندن ژماره 107 ێ یا سالا 1979 و راستڤه‌كرن ل هه‌رێما كوردستانێ.
3 – پرۆژه قانونا چه‌كى ل هه‌رێما كوردستانا عێراقێ.
دوو : ده‌نگدان ل سه‌ر پرۆژه قانونا راستڤه‌كرنا قانونا به‌رزه‌بوویان ل هه‌وێن ژناڤبرنا ب كوم یا گه‌لێ كوردستانا عێراقێ یا ژماره 3 یا سالا 1999 لدووڤ حوكمێ مادێن 90 ، 91 ، 93 ، 96 ، 97 ژ په‌یره‌وا ناڤخوه یێ په‌رله‌مانێ كوردستانێ.
سێ : خواندنا دووێ بۆ پرۆژێ قانونا كومپانێن ئه‌منى یێن تایبه‌ت ل هه‌رێما كوردستانێ لدووڤ حوكمێ مادێن 87 ، 88 ، 89 ژ په‌یره‌وا ناڤخوه‌یا ل په‌رله‌مانێ كوردستانێ.
