كونسولێ ئه‌مریكا: هه‌رێما كوردستانێ ئارامترین جهه‌ ل ده‌ڤه‌رێ

رۆبێرت پاڵا‌دینۆ، كونسوڵێ گشتیێ ئه‌مریكا ل هه‌ولێرێ سوپاسییا خۆڕاگرییا كه‌سوكارێن شه‌هیدێن پێشمه‌رگێ كوردستانێ و سه‌ربازێن ئه‌مریكا كر و دووپاتكره‌ڤه‌‌، ل ژێر سیبه‌را خوێنا پێشمه‌رگه‌ى، هه‌رێما كوردستانێ ئارامترین جهه‌ ل ده‌ڤه‌رێ.

‌پاڵا‌دینۆ د په‌یڤه‌كێدا ل رێوڕه‌سمێن رێزلێنانێ ل شه‌هیدێن پێشمه‌رگێ كوردستانێ و سه‌ربازێن ئه‌مر‌یكا ل باژێرێ هه‌ولێرێ گۆتی: هه‌رده‌م ستایشا خۆڕاگرییا كه‌سوكارێن شه‌هیدان دكه‌م و خۆشحاڵم كو ل ‌گه‌ل هه‌وه‌ د ڤێ رێوره‌سمێدا پشكدارم..

هه‌روه‌سا جه‌خت كرییه‌، پێشمەرگه‌ى مه‌زنترین قوربانیی داینه‌ و ئەو ئارامییا ل هه‌رێما کوردستانێ هەیه، بەرهەمێ خوێنا شەهیدانه‌، ئه‌ڤێ چه‌ندێ وه‌كرییه‌ هه‌موو پێكهاته‌ ل کوردستانێ دئازادبن.

كونسولێ ئه‌مریكا پاڵپشتییا وه‌ڵاتێ خوه‌ بۆ به‌رده‌وامییا چاكسازیێن حكومه‌تا هه‌رێما كوردستانێ نیشاندا و جه‌ختكره‌ڤه‌، په‌یوەندیێن ئەمر‌یکا و کوردستان د بەرزترین ئاستدایه.

هه‌وره‌سا گۆتی: ژئه‌گه‌رێ ئازایەتییا پێشمەرگه‌ى داعش هاته‌ ژناڤبرن، کوردستان ئارامترین جهێ ده‌ڤه‌رێ یه‌ و ل هەرێما کوردستانێ ئازادییا رادەربڕینێ هەیه.