شانده‌كێ بلندێ كۆمسیۆنا هه‌لبژارتنێن عیراقێ سه‌ره‌دانا  پارێزگه‌ها دهۆكێ كر

شانده‌كی بلندێ كۆمسیۆنا هه‌لبژارتنێن ئیراقێ  ب سه‌رۆكایه‌تییا  هێمان ته‌حسین  رێڤه‌به‌رێ رێڤه‌به‌ریا  رێكخراوا پارتێن سیاسى ل به‌غدا و ئه‌ندامه‌تییا لیوا محمد زامل و عه‌مید بارزان و خالد عه‌باس به‌رپرسێ نڤیسینگه‌ها هه‌لبژارتنان  ل دهۆكێ  سه‌ره‌دانا پارێزگه‌ها دهۆكێ كر ژ لایێ ماجد سه‌ید سالح  جێگرێ پارێزگارێ دهۆكێ  بۆ كاروبارێن ته‌كنیكى ب وه‌كاله‌ت هاتنه‌ پێشوازیكرن.و كۆمبوونه‌ك ئه‌نجامدا.

د كومبوونێدا هه‌ردو لایان  به‌حس ل ده‌ستپێكرنا  پروسا ئه‌نجامدانا هه‌لبژارتنێن  جڤاتا نوونه‌رێن عیراقێ كر، پاشان په‌سنا رولێ سه‌رجه‌م سازیێن پارێزگه‌ها دهۆكێ كر كو هه‌رده‌م پرسێن هه‌لبژارتنان ل پارێزگه‌ها دهۆكێ  ب شێوه‌كێ ساخله‌م و ئارام  ب دووماهى هاتینه‌.

پاشى لیوا محمد زامل ئه‌ندامێ شاندی سلاڤ و ده‌ستخۆشیێن هه‌موو وه‌زیران گه‌هاندنه‌ جێگرێ پارێزگارێ دهۆكێ و هه‌موو سازیێن پارێزگه‌هێ و بریار دا ئه‌ڤرۆ سه‌ره‌دانا چه‌ندین كوگه‌هێن كه‌لو په‌لێن ده‌نگدانێ یێن پرۆسا هه‌لبژارتنان بكه‌ن.