سه‌رۆكێ هه‌رێما كوردستانێ ئه‌ڤرۆ پێشوازى ل رۆبێرت پالادینۆ، قونسلێ نوو یێ ئه‌مریكا ل هه‌رێما كوردستانێ كر.
د كومبوونێ دا نێچیرڤان بارزانى بخێرهاتن و پیرۆزباهییا قونسلێ نوو كر پشتى ده‌ستبكاربوونا وى ل هه‌رێما كوردستانێ و داخازا سه‌ركه‌فتنێ بۆ خاست و پشته‌ڤانیا خوه بۆ سه‌رخستنا ئه‌ركێن وى نیشان دا و دووپاتى ل بهێزكرنا په‌یوه‌ندیێن هه‌رێما كوردستانێ دگه‌ل ئه‌مریكا كر.
قونسلێ نوو یێ ئه‌مریكا ل هه‌رێما كوردستانێ، سه‌ره‌راى ده‌ربرینا خوشحالیا خوه ب ده‌ستبكاربوونا وى ل هه‌رێما كوردستانێ خواستا ئه‌مریكا بۆ به‌رده‌وامییا په‌یوه‌ندیێن ئه‌مریكا و كوردستانێ دووپات كر.
د كومبوونێ دا، ره‌وشا ئیراقێ و هه‌رێما كوردستانێ ب گشتى و هه‌لبژادنێن ئیراقێ، هه‌ره‌شه و مه‌ترسیێن تیرۆرێ، به‌رهنگاربوونا داعش و چه‌ند پرسێن دى هاتنه گوتوبێژكرن.
