دەرکار.. تورکیا نێزیکى زالگەهەکا پاسەوانێن سنوری توپبارانكر

خانی نیوز ، نزار مەجید

توپخانێن تورکیایێن گوپیتکا چیایێ خامتیر ل سنورێ ناحیا دەرکارێ بەری دەمەکێ کێم دو توپ ل نێزیک زالگەها پاسەوانێن سنوری دان، ژێدەرەکێ لەشکەری ژ زالگەها پاسەوانێن سنۆری تایبەت بو خانی نیوز ڕاگەهاند، توپخانا تورکیا ئەوا ل گوپیتکا چیایێ خامتیر هاتیەدانان دو توپ ل نێزیک زالگەها مە داینە وچ زیانێن گیانی نەبووینە، لێ ب تنێ هندەک سەچمێن وان توپان ب ترومبێلێن مە کەفتینە ، هەمان ژێدەری ئەو چەندە ژی گوت، جارا ئێکێ یە ب ڤی ڕەنگی بوردومان ل نێزیک خالەکا لەشکەری یا پاسەوانێن سنوری ببیت ب دووراتیا پێنجی مەترا ، ل گور زانیاریێن ب دەست خانی نیوز کەفتین ژسپێدێ وەرە توپخانێن تورکیا دەڤەرێن سنۆری ل دەرکار و باتیفا بوردومان دکەن.