پشتی هه‌ژماره‌كا نوونه‌رێن بکرێن پرۆژه‌یێن ئارام ستی و شاهــ ستی ئه‌ڤرۆ خرڤەبوونەکا نەرازیبوونێ لبەر دەرگەهێ پارێزگەها دهۆكێ هاتیه كرن، د.عەلی تەتەر، پارێزگارێ دهۆکێ چوو دناڤ خرڤەبویان دا و گۆهداریا ئاریشه و گازندەیێن وان ل دۆر ته‌مام نەبوونا هەردو پرۆژه‌یان و چەوانیا قەرەبۆکرنا وان کر و پاشان داخواز ژ نوونه‌رێن خرڤەبوویان کر ب بەرفرەهی دانوستاندنێ ل سەر بابەتی بکەن.
پارێزگارێ دهۆکێ دکۆمبوونێ دا دگەل نوونه‌رێن بکرێن هەردو پرۆژه‌یان دۆپات کر، دێ پرۆژه‌یێن وان هێنە ته‌مامكرن و دچارچوڤێ گرێبەستێن وان دگەل خۆدانێن پرۆژه‌یان دێ هێنە قەرەبۆکرن و ل دووڤ قانون و رێنمایان ب چ شێوه‌كى غەدر ل كه‌سێ ناهێته كرن.
نوونه‌رێن بکرێن پرۆژه‌یان دۆپاتی ل چارەسەرکرنا ئاریشێن خوه كر و سۆپاسیا پارێزگارێ دهۆکێ کر، بۆ جارا سیێ یە وان دبینیت و ئه‌و چاڤەرێ چارەسه‌ركرنا بابەتێ وانە.
پارێزگارێ دهۆکێ دیاركر، دەرگەهێ وان بۆ بكرێن شقان و چاره‌سه‌ركرنا ئاریشێن هەردو پرۆژان یێ ڤەکریە و پشت راست كرن بابەت گەهشتیە قوناغێن داویێ.
