مه‌ترسى هه‌یه‌ داعش هنده‌ك باژێرێن ئێراقى كونترۆل بكه‌ته‌ڤه‌  

مالپەرێ جیۆپۆلیتیکال مۆنیتەر یێ کەنەدی د راپۆرته‌كێ دا، بەحسێ مه‌ترسییا داعشێ ل سەر دەڤەرێن کوردستانی یێن دەرڤەی ئیدارەیا هەرێمێ کرییە و هوشداریا دوبارە کەفتنا باژێرێ مووسلێ دایە.

هه‌روه‌سا گۆتییه‌، رەوشا ئێمناهییێ ل دەڤەرێن کێشە ل سەر ل ڤێ دووماهییێ تێکچووینە ژ بەر هێرشێن داعشێ و کوشتنا خەلکێ سڤیل و سەربازێن ئیراقی، دیسان ئەو هێرش بووینە ئەگەر کو ژمارەکا چاڤدێرێن ئیراقی و بیانی هوشداری ژ تێکچوونا رەوشێ و دەرئەنجامێن پاشەرۆژێ داینە.

ژ روویێ جۆگرافی ڤە ئەو دەڤەرە ژ دەڤەرێن ستراتیژی دهێنە هه‌ژمارتن ژ بەر چەند ئەگەران، سێگووشا گرێدانا سنۆرێن ئیراق، ئیران و سووریێ یە، درێژاهییا وێ 100 کیلۆمەترن و قەبارەیێ وێ 37 هزار کیلۆمەترن و ئەردەکێ بەرفرەهـ یێ چاندنێ لێ هەیە.