قوباد تاله‌بانى: نییه‌تا حکومەتا هەرێمێ چارەسەرکرنا هەموو کێشه‌یێن دناڤبه‌را هەرێم و بەغدایە

نڤیسینگەها جێگرێ سەرۆکێ جڤاتا وەزیران بڵاڤکرییه‌، كو ئەڤڕۆ قوباد تاڵە‌بانی  پێشوازی ل ئۆلە دیل، باڵیۆزێ ئەڵمانیا ل ئیراقێ كر و د کۆمبوونا دناڤبه‌را واندا چۆنییەتییا گه‌شه‌پێدانا  پەیوەندیێن دناڤبه‌را هەرێم و ئەڵمانیا دا و چەند پرسه‌کێن گرنگێن دى گۆتوبێژكرن.

د كۆمبوونێدا کو کلێمنس سێمتنەر، کۆنسوڵێ گشتیێ ئەڵمانیا ل هەرێمێ و دابان شەدەلە جێگرێ بەرپرسێ فەرمانگەها پەیوەندیێن دەرڤه‌یێن هەرێما کوردستانێ ژى ئامادەبوون،هەردولا جەخت کر ل سەر گرنگییا گه‌شه‌پێدانا دناڤبه‌را ئەڵمانیا و هەرێما کوردستانێ ل هەموو بواراندا و جێگرێ سەرۆک وەزیران ژى داخواز ژ  ئەڵمانیا رۆڵێ زێده‌تر ببینیت ل هه‌ڤكاریكرنا هەرێم بۆ پێشخستنا کەرتێن چاندنێ و پیشەسازی و چاکسازیکرنێ ل سیستمێ حکومرانیێ.

د پشكه‌كا دییا كۆمبوونێدا به‌حسێ هه‌لبژارتنێن داهاتیێن په‌رله‌مانێ ئیراقێ هاتنه‌ كرن، و هه‌ردوو لا ژى د هه‌ڤرا بوون ل سه‌ر هندێ كو پێدڤییه‌ هه‌لبژارتن د ده‌مێ خوه‌یێ دیاركریدا ب شێوه‌یه‌كێ دروست ب رێڤه‌ بچن ئه‌ڤ چه‌نده‌ ژى ب گرنگ زانى بۆ سه‌قامگیرییا سیاسى و پرسا دیموكراتى و به‌ره‌ڤپێشچوونا پرۆسه‌ییا سیاسى ل ئیراقێ.

هه‌روه‌سا ئاماژه‌ دایه‌ كو نییه‌تا حکومەتا هەرێمێ چارەسەرکرنا هەموو کێشه‌یێن دناڤبه‌را هەرێم و بەغدایە.