کواشێ.. کەسەکی ژیانا خوە ژ دەست دا

روودانەکا هاتن و چوونێ د ناڤبەرا ماتۆرسکلەکێ و ترۆمبێلەکا بار هەلگر دا ئێڤاریا ئەڤرۆ ل کۆمەلگەها کواشێ ل سنۆرێ قەزا سێمێلێ دروست بوو، د ئەنجام دا خودانێ ماتۆرسکلێ ژیانا خوە ژ دەست دا.
ژێدەرەکێ ژ پۆلیسێن سێملێ بۆ خانی نیوز دیارکر: ل دەمێ دروستبوونا روودانێ خودانێ ماتۆرسکلێ ب گرانی برینداببوو و تا گەهاندییە نەخۆشخانا سێمێلێ ژیانا خوە ژ دەست دا.

گۆت ژی: کەسێ گیانێ خو ژ ەست دای خەلکێ رۆژئاڤایێ کوردستانێ یە و خێزاندارە و ئاکنجیێ کەمپا موقبلێ یە.
وی ژێدەری خویا کر ژی: لاپەرێن ڤەکۆلینێ بۆ روودانێ هاتینە ڤەکرن و شۆفێرێ ترۆمبێلا بارهەلگر ژی ل دووڤ قانوونا هاتنوچوونێ هاتییە بنچاڤکرن و لێکۆلین بەردەوامە.