وه‌زاره‌تا په‌ترۆلا ئیراقێ داخواز ژحكومه‌تا هه‌رێمێ كر پابه‌ندی رێككه‌فتنا ئۆپیكێ بن

وه‌زاره‌تا په‌ترۆلا ئیراقێ داخواز ژ جڤاتا وه‌زیران كرتانان ل قانوونا بودجه‌ یا سالا 2021 بده‌ت ژ به‌ر وان گهۆرینێن ژ ئالیێ په‌رله‌مانی تێدا هاتینه‌ كرن، كه‌رتێ په‌ترۆلێ پاشڤه‌دبه‌ت و كێشه‌یێن مه‌زن دروستدكه‌ت.

ئحسان عه‌بدولجه‌بار، وه‌زیرێ په‌ترۆلێ د نامه‌یه‌كێ دا بۆ سكرتێری جڤاتا وه‌زیرێن ئیراقێ ل دۆر په‌ترۆلا هه‌رێما كوردستانێ  ره‌خنه‌ گرتینه‌ و راگه‌هاندییه‌؛ د مادده‌یا 11 یا قانوونا بودجه‌ی دا كو گرێدای پشكا هه‌رێمێ یه نڤێسایه‌، به‌رهه‌مئینانا په‌ترۆلا هه‌رێمێ 460 هزار به‌رمیله‌ كو پێدڤییه‌ 250 هزار به‌رمیلان بده‌ته‌ ئیراقێ.

وه‌زیرێ په‌ترۆلێ گۆتییه‌ ژی: به‌رهه‌مێ په‌ترۆلا هه‌رێمێ نها نزیكی 470 هزار به‌رمیلایه‌ و د قانوونێ دا ئه‌و یه‌كه‌ نه‌هاتییه‌ به‌رچاڤكرن كو هه‌رێما كوردستانێ پشكه‌ك ژ پابه‌ندبوونا رێككه‌فتنا ئۆپیكێ ب ستوویێ خوه‌ڤه‌بگریت و داخواز دكه‌ت به‌رهه‌مێ په‌ترۆلا هه‌رێمێ زێده‌تر نه‌بیت ژ 334 هزار به‌رمیلان.