<h3 style="text-align: justify;"><span style="font-size: 18pt;">جڤاتا دادوه‌ری یا ئیراقی سه‌رۆك، جێگر و ئه‌ندامێن دادگه‌ها بلند یا فیدراليیا ئێراقی دیار كرن، جاسم محه‌مه‌د عه‌بود وه‌ك سه‌رۆكێ دادگه‌ها فیدرالى و سه‌میر عه‌باس وه‌ك جێگرێ وى هاتنه دیار كرن. </span> <span style="font-size: 18pt;">ئه‌ڤرۆ چارشه‌مبى، جڤاتا دادوه‌رى یا ئیراقى، د به‌یاننامه‌‌كێ دا دیار كرییه، ل دووڤ ماددەیێ سییێ یا قانوونا راستڤه‌كرى یی سالا 2005 و ب سه‌رۆكاتییا فایه‌ق زێدان، سه‌رۆكێ جڤاتا بلند یا دادوه‌ری ل ئێراقێ، سه‌رۆك و جێگرێ سه‌رۆكی و هژماره‌كا ئه‌ندامێن دادگه‌ها بلند یا فیدرالییا ئێراقێ هاتنه هه‌لبژارتن.</span> <span style="font-size: 18pt;">ئه‌و ژى گۆتییه، جاسم محه‌مه‌د عه‌بود، ب سه‌رۆكێ دادگه‌ها فیدرالی یا ئیراقێ و سه‌میر عه‌باس، جێگرێ سه‌رۆكێ دادگه‌ها فیدرالی یا ئێراقێ هاتنه هه‌لبژارتن، پێکهاتا نوو یا دادگه‌هێ هاتییه رەوانەكرن، بۆ سەرۆکاتییا کۆماری بۆ په‌سه‌ندكرنێ و ده‌ركردنا مەرسومه‌كێ کۆماری بۆ ده‌ست ب كاربوونا وان.</span> <span style="font-size: 18pt;">18 ئادارا 2021 جڤاتا نوونه‌رێن ئێراقێ ب ئاماده‌بوونا دوسه‌د و پێنج ئه‌ندامان قانوونا ژماره 30 یا سالا 2005 راستڤه‌كر. </span></h3>
