كۆمیسیۆنا بلندا سه‌ربه‌خوه‌یا هه‌ڵبژارتنان له ئیراقێ راگه‌هاند، وان نموونه‌یا كارێ ده‌نگدانێ ئاماده‌كرییه و مژوولى ئاماده‌كارییانه بۆ ب رێڤه‌برنا پرۆسه‌ییا هه‌ڵبژارتنان له ئۆكتۆبه‌را داهاتى دا.
جڤاتا بلندا كۆمیسارییا ئیراقێ به‌لاڤكرییه و راگه‌هاندییە، پشتى چه‌ندین كۆمبوون ده‌رباره‌یى ئه‌نجامدانا هه‌لبژرتنان جڤاتا نوونه‌رێن ئیراقێ ژ ده‌رڤه‌یى وه‌لاتى گۆتوبێژ دگه‌ل لایه‌نێن په‌یوه‌ندیدار هاتنه كرن، دیاربوو كو ئه‌و پێدڤى ب زێده‌تر ژ 160 رۆژانه بۆ ته‌مامكرنا رێكارێن خوه تۆماركرنێ و ڤه‌كرنا نڤیسینگه‌هان ل كونسولخانه و بالیۆزخانه و لایه‌نێن په‌یوه‌ندى دار.
بڕیاره پرۆسه‌یا هه‌ڵبژارتنێن گشتی ل ئیراقێ، ل رۆژا 10ی ئۆكتۆبه‌را 2021، ب رێڤه‌بچن، پشتى كو ژ ده‌ستپێكا حوزه‌یرانێ هاتییه پاشخستن بۆ وى ده‌مى.
كۆمیسیۆنێ ل ده‌ستپێكا ئه‌ڤ ساڵه ده‌ست ب نووكرنا تۆمارا ده‌نگده‌ران و پارڤه‌كرنا كارتێن بایۆمه‌ترى و داخوازا ناڤ تۆماركرنا هه‌ڤپه‌یمانیێن سیاسى و لیستا کاندیدان وه‌رگرتییه.
ئاماژه كرییه ژى كو كۆمپانییا میرۆى یا كۆریا باشوور، راهێنانان ب كارمه‌ندێن كۆمسیۆنێ دكه‌ت و ئامیرێن ئه‌لیكترۆنى ئاماده دكه‌ت بۆ ده‌نگدانێ.
ل رۆژا 1-4-2021ێ داوى ماوه‌یه بۆ نووكرنا تۆمارا بایۆمه‌ترى و یا دیار نینه كا ئه‌ڤ ده‌مه دێ هێته درێژكرن یان نه.
