په‌ككه‌فتیێن دهۆكێ ئه‌ف داخازیه‌ ژ پارێزگارى هه‌یه‌

كومه‌لا ژین یا په‌ككه‌فتیێن كوردستانێ تایێ دهۆكێ، په‌یجێ خوه‌یێ تایبه‌ت یێ فه‌یسبووكێ داخاز ژ پارێزگه‌رێ دهۆكێ د. عه‌لى ته‌ته‌ر كرییه‌ كو كه‌سانێن ده‌سپێكێ بن ل پارێزگه‌هێ بۆ وه‌رگرتنا ڤاكسینا دژى كۆرۆنایێ.

په‌ككه‌فتییان د راگه‌هاندنێ دا دیاركرییه‌، جهێ خۆشحالیێ یه‌ كو رێژه‌كا باش یا قورچێن ڤاكسینێ دژى په‌ژیكا كۆرۆنایێ گه‌هشتییه‌ كوردستانێ و ژڤانه‌ رێژا پارێزگه‌ها دهۆكێ بهێته‌ هنارتن له‌وڕا وه‌ك كۆمه‌لا ژین یا خودان پێدڤیێن تایبه‌ت داخوازێ ژ جه‌نابێ پارێزگه‌رى دكه‌ین، خودان پێدڤیێن تایبه‌ت ژ ته‌خا ده‌سپێكێ بن كو ئه‌ڤ ڤاكسینه‌ بۆ بهێته‌ دانان ژبه‌ركو كه‌سانێن په‌ككه‌فتى د كاودانێن نه‌خۆش دا دژین و گه‌له‌كا ژ وان نه‌خۆشیێن ئیفلیجێ، ئیفلیجا مێشكى، مه‌نگول، ته‌لاسیمیا و ئۆتیزمێ هه‌نه‌ و گرنگه‌ ئه‌ڤه‌ ل به‌رچاڤ بهێته‌ وه‌رگرتن ژبه‌ركو به‌رگریا له‌شێ وان مرۆڤان یا كێمه‌.

كۆكه‌لا ژین ئاماژه‌ كرییه‌، ژبلى كاره‌كێ مرۆڤایه‌تى ئه‌ڤه‌ دێ بیته‌ جهێ سه‌ربلندیێ بۆ هه‌موو خه‌لكێ پارێزگه‌هێ و بارسڤكیه‌ك بۆ خێزان و كه‌س و كارێن ئه‌ڤێ ته‌خا گرنگ.

خانى نیوز، سالار محه‌مه‌د دۆسكى