<h3 style="text-align: justify;"><span style="font-size: 18pt;">ئاژانسا رۆیته‌رز دیاركر، گرۆپێ ئۆپێك پله‌س بریار دا به‌رهه‌مئینانا په‌ترۆلێ نه‌هێته زێده‌كرن.</span></h3> <h3 style="text-align: justify;"><span style="font-size: 18pt;">ئاژانسا رۆیته‌رز راگه‌هاند؛ گرۆپێ ئۆپێك پله‌س بریاردا به‌رهه‌مئینانا په‌ترۆلێ نه‌هێته زیده‌كرن و ب وى قه‌بارێ نها كو 9 ملیۆن و 700 هزار به‌رمیلن رۆژانه تا مه‌ها نیسانا بهێت بمینیت، دهه‌مان ده‌م دا، پشتى مه‌ها نیسانێ پێشبینی یێن مه‌زن هه‌نه به‌رهه‌مئینانا په‌ترۆلێ بهێته زێده‌كرن.</span></h3> <h3 style="text-align: justify;"><span style="font-size: 18pt;">پشتى وێ بریارا ئۆپێك پله‌س، بهایێ په‌ترۆلا برێنت ب رێژا 5 ژ سه‌دێ بلندبوو و د نها دا پترى 67 دۆلاران بازار پێ دهیته‌كرن.</span></h3> <h3 style="text-align: justify;"><span style="font-size: 18pt;">ئیراق ژى ئه‌نداما رێكخستنا ئۆپێكێ و گرۆپێ ئۆپێك پلاسه و ئه‌گه‌ر د مه‌ها نیسانا بهێت دا بریارا زێده‌كرنا به‌رهه‌مێ په‌ترۆلێ بهێته‌دان دێ داهاتێ وه‌لاتى زێده‌بیت.</span></h3> <h3 style="text-align: justify;"><span style="font-size: 18pt;">شاره‌زایێن ئابوورى ژى پیشبینییێ دكه‌ن ژ ئه‌گه‌رێ بكارئینانا ڤاكسینێ كۆرۆنایێ د مه‌ها بهێت دا رێژه‌یا ملیۆنه‌ك و 500 هزار به‌رمیلێن دى بهێنه به‌رهه‌مئینان.</span></h3> <h3 style="text-align: justify;"><span style="font-size: 18pt;">مه‌ها ئادارا سالا بوورى ژ ئه‌گه‌رێ به‌لاڤبوونا ڤایرۆسێ كۆرۆنایێ داخوازى ل سه‌ر په‌ترۆلێ كێم بوو، ئه‌ڤ یه‌كه بوو ئه‌گه‌ر بهایێ به‌رمیله‌كا په‌ترۆلا برێنت كیمترى 25 دۆلاران بازار پێ هاته‌كرن، پشتى وی یه‌كێ وه‌لاتێن ئۆپیك پلاس بریار دا رۆژانه به‌رهه‌م ئینانا په‌ترۆلێ بۆ 9 ملیۆن و 700 هزار به‌رمیلان د رۆژه‌كی دا كێم بكه‌ن و وه‌لاتێن پیشه‌سازى یێن په‌ترۆلێ ژى نه‌چاركرن رۆژانه به‌رهه‌مئینانا په‌ترۆلێ بۆ 7 ژسه‌دێ كێم بكه‌ن.</span></h3>
