پتر ژ بیست سالانە بنگەھێ ساخلەمییا مامۆستایان ل پارێزگەھا دھۆکێ ھاتییەدانان و چەندین نۆشدارێن تایبەتمەند بخوە ڤەدگریت و ب کێمترین بھا خزمەتا تەخا مامۆستایان دکەت.
شیان سالح جاسم، سەرپەرشتێ بنگەھێ ساخلەمییا مامۆستایان ل دھۆکێ بۆ خانی نیۆز گۆت: بنگەھێ ساخلەمییا مامۆستایان ل 16-8-1994 ل دھۆکێ ھاتییەدانان و نوکە ژ دوو نۆشداران پێک دھێت، نۆشدارەکا ئافرەتانە ل گەل نۆشدارەکا سونەرێ یا تایبەتمەند و تاقیگەھێ و پێشتر ژی چەندین نۆشدارێن تایبەتمەند ب رێکا ڤی بنگەھێ ساخلەمیێ ناڤدار بووینە.
ھێشتا گۆت: ھەموو پشکنین ل بنگەھی دھێنەکرن ب تنێ (زرع) نینە، جوداھی د ناڤبەرا مامۆستایان و خەلکێ دی دا دھێتەکرن ئەوێن سەردانا بنگەھی دکەن و پێشتر مامۆستا بێ (سرا) دھاتنە ب رێڤەبرن و بھایێ پلێتی بۆ مامۆستای کێمترە، وان ل بەرە بنگەھەکێ مەزن ئاڤا بکەن و پترییا نۆشدارێن تایبەتمەند بینن و خزمەتا مامۆستایان بھێتەکرن.
ل دووماھیێ گۆت: ل ھەر دوو پارێزگەھێن دی ژی ھەمان بنگەە ھەبووینە بەلێ ھاتینەگرتن، نوکە ب تنێ بنگەھێ ساخلەمییا مامۆستایان ل دھۆکێ ھەیە.
