پارتی ده‌مێ كۆنگره‌ی راگه‌هاند  

سكرتێرێ مه‌كته‌با سیاسییا پارتییا دیموكراتا كوردستانێ، ده‌مێ بەستنا كۆنگره‌یێ خوه‌یێ چواردێ ئاشکراکر.

ئەڤرۆ سێشەمبى، 23-2-2021، فازل میرانی، سكرتێرێ مه‌كته‌با سیاسییا پارتییا دیموكراتا كوردستانێ د داخۆیانییه‌كی دا بۆ رۆژنامەڤانان ئاشكرا كر، رۆژا 26-5-2021، پارتییا دیموكراتا كوردستانێ دێ كۆنگرێ خوه‌ یێ چاردێ سازكه‌ت.

پێشتر ژى هاتبوو راگه‌هاندن كو پارتى دێ ل دهۆكێ كۆنگره‌یێ خوه‌ یێ چاردێ ئه‌نجامده‌ت.

پارتییا دیموکراتا کوردستانێ د دیرۆكا دامەزراندنا خوه‌ دا ل سالا 1946 هه‌تا نوكه‌، 13 کۆنگرە ل چەندین باژێر و ده‌ڤه‌رێن جودا گرێداینه‌، پشكه‌ك ژ وان ل ده‌ڤه‌رێن ژێر دەستهه‌لاتا شۆره‌شا کوردستانێ (شۆره‌شا ئیلۆنێ) ل چیایێن کوردستانێ هاتینه‌ بەستن.