سه‌رۆكێ حكومه‌تا هه‌رێما كوردستانێ پێشوازی ل سه‌رۆكێ ره‌وتا حیكمه یا نشتیمانی و هه‌ڤپه‌یمانییا ئیراقیوون كر.
مه‌سرور بارزانی، ئه‌ڤرۆ ل هه‌ولێرێ پێشوازی ل عه‌مار حه‌كیم كر و د كۆمبوونا خوه دا به‌حس ل ره‌وشا ئیراقێ و په‌یوه‌ندیێن هه‌رێمێ و حكومه‌تا فیدرال كرن، عه‌مار حه‌كیم ئاماژه كر، كوردستانێ ب دۆست و هه‌ڤپه‌یمانا خوه دزانن و پێدڤییه ده‌ستوور ببته بنه‌مایێ چاره‌كرنا كێشه یێن د ناڤبه‌را هه‌ولێر و ئیراقێ دا، هه‌روه‌سا ئه‌و پشته‌ڤانییا وێ رێككه‌فتنێ دناڤبه‌را هه‌ردو ئالییان دا ل سه‌ر بوودجه‌ی رێككه‌فتین و ب هیڤی نه جڤاتا نوونه‌رێن ئیراقێ ده‌نگ ل سه‌ر بده‌ت.
سه‌رۆكێ حكومه‌تا هه‌رێمێ، دوپات كر، هه‌رێم هه‌موو گاڤان دگه‌ل چاره‌یه‌كا بنه‌ره‌تی یا كێشه‌یان بوویه ل گه‌ل ئیراقێ ل سه‌ر بنه‌مایێن دابینكرنا ماف، شایسته‌یێن ده‌ستووری و پاراستنا تایبه‌تمه‌ندییان و قه‌واره‌یا فیدرالی و هه‌روه‌سا ل به‌رچاڤگرتنا پره‌نسیپێن هه‌ڤسه‌نگی و شه‌راكه‌تێ.
