د ماوێ 10 هەیڤێن بۆری دا 232 هزار و 377 تەنێن بەرهەمێن جودا یێن چاندنێ ژ پارێزگەها دهۆکێ بۆ بازاڕێن باشور و ناڤەراستا عێراقێ هاتینە هنارتن و پتات د پلەیا ئێكێ دانە.
ئەحمەد جەمیل، رێڤەبەرێ گشتی یێ چاندنا دهۆکێ دیاركر: د 10 هەیڤێن دەستپێکێ یێن ئەڤسالە، رێژەكا مەزن یا بەرهەمێن ناڤخۆیی یێن جۆتیارێن پارێزگەها دهۆکێ بۆ بازاڕێن ناڤەڕاست و باشورێ عێراقێ هاتینە هنارتن و کۆما گشتی دگەهتە پتری 232 هزار تەنان.
ناڤهاتی گۆت ژی: د ناڤ ئەوان بەرهەمێن کو زۆرترین داخواز ل سەر هەیی و هاتینە هنارتن، بەرهەمێ پتاتان ل پلەیا ئێكێ دایە و 131 هزار و 691 تەن هاتینە هنارتن” ل دووڤ دا هەر ئێک ژ بەرهەمێن شوتی ب 27 هزار و 896 تەنان بوویە، تەماتە 23 هزار و 130 تەن بووینە، پیڤاز 21 هزار و 94 تەن و خیار ب 14 هزار و سێ تەن بووینە.
گۆت ژی: ژ بلی كەسكاتی، دەهـ جورێن دی یێن بەرهەمێن فێقی یێن وەكو تری، هنار، سێڤ، هژیر، کولند و باجانرەشك، فلفل و ل گەل سماقێ و برنجی و زەیتوونان و چەندین جورێن دی هاتینە هنارتن.
