ڕێڤەبەرییا گشتییا چاندنێ ل دهۆكێ ڕاگەهاند، ل 1/10/2026ێ فێستیڤالا تری و هنگڤینی ب چاڤدێرییا عەلی تەتەر پارێزگارێ دهۆكێ دێ هێتە گێران.
ڕێڤەبەرییێ ئاشكراكر، ئەڤ فێستیڤالە دێ بیتە یا 19ێ و دێ ب مەرەما پەیداكرنا بازاری و نیشاندانا بەرهەمێ تری و هنگڤینی هێتە گێران، بۆ دەمێ سێ ڕۆژان ل ڕۆژێن 2،1 و 3 یێ هەیڤا 10، ل ژێر چاڤدێرییا پارێزگارێ دهۆكێ ل فاملی مولا دهۆکێ هێتە گێران.
ئاماژە ب هندێ ژی دا، ئەڤ سالە ژی فاوندیشن و کاڤین گروپ دێ سپونسەرییێ کەن و 80 خیڤەت دێ بۆ جووتیار و هەنگەڤانا هێنە دانان، پتری 50 توخمێن تری و هنگڤینێ سروشتی و خۆمالی یێن گوند و چیایێن پارێزگەها دهۆکێ تێدا دهێنە نیشاندان، جۆدا ژ سالێن بوری بریارە چەندین جورێن دێ یێن بەرهەمێ خۆمالی بهێنە نیشاندان و فرۆتن.
