سەرۆك مەسعود بارزانی، پەیامەك به هەلكەڤتا سالیادا دامەزراندنا ئێكەتییا زانایێن ئایینێ ئیسلامێ ل كوردستانێ بەلاڤكر.
دەقێ پەیاما سەرۆك بارزانی:
ب هەلكەڤتا دەربازبوونا 56 سالان ل سەر دامەزراندنا ئێكەتییا زانایێن ئایینێ ئیسلامێ ل كوردستانێ، گەرمترین پیرۆزباهییان ل سەرۆك و ئەندامێن مەكتەیا تەنفیزی و جڤاتا ناڤەندا ئێكەتییا زانایان و هەموو مامۆستایێن ئایینێ پیرۆزێ ئیسلامێ ل كوردستانێ دكەم.
دامەزراندنا ئێكەتییا زانایێن ئایینێ ئیسلامێ ل كوردستانێ ب ڕاسپاردەیا بارزانییێ نەمر، بریارەكا دیرۆكی بوو بۆ بهێزكرنا ڕۆلێ مامۆستایێن ئایینی ل شۆرەش و خەباتا گەلێ مەدا، مامۆستایێن ئایینی هەردەم سەنگەرەكێ بهێز یێ بەرەڤانیكرنێ ژ مافێن ڕەوا یێن گەلێ كوردستانێ و كووركرنا هزرا نیشتیمانپەروەریبوونێ بووینە، پەیاما خۆداپەرستنێ و دینداری و لێبۆردەیی و پێكڤەژیانێ بەلاڤكریە.
ڕێز و پێزانینێن ب پایان بۆ وەستیان و قوربانیدانا مامۆستایێن ئایینی ل ڕابردووی و نوكە هەنە، هیڤییا سەركەڤتنێ و بەردەوامییێ بۆ هەموویان دگەهاندنا ڤێ پەیاما پیرۆز و ڕێنما و ئاراستەكرنا كۆمەلگەهێ دا دخوازم.
