<h2>دەستەیا دەستپاكییا عیراقێ ڕاگەهاند، شەش فەرمانبەرێن سەر ب وەزارەتێن پەترۆلێ و دارایی ل پارێزگەها نەینەوا هاتنە دەستەسەركرن.</h2> <h2> ل دووڤ ڕێڤەبەرییا لێكۆلینا نەینەوا، چار ژ وان فەرمانبەران ڕێژەیەكا مەزن یا بەنزینێ ل وێستگەهان دزیبوو و فرۆتبوو، پارەیێ وێ بەنزینێ دناڤ ترۆمبێلا تایبەت یا بەرپرسێ كۆگەهێدا هاتە دیتن، دڤیابا ئەو پارە بۆ گەنجینەیا گشتی هاتبا ڤەگەڕاندن، لێ ئەوان بۆخۆ ڤەشارتبوو.</h2> <h2> هەروەسا ڕێڤەبەرییا لێكۆلینێ ئاشكراكر، دەستەیا دەستپاكییێ چوویە ڕێڤەبەرییا خانەنشینا نەینەوا، فەرمانبەرەك و كارمەندەك ل وێرێ ژی دەستەسەركرن، ل دەمێ دەستەسەركرنێ چەندین مامەلەیێن ڕەسەن یێن خانەنشینان دگەلدا بوون، كو بێی ئامادەبوونا خۆدانێن وان و بێت چ ڕێپێدانەكا قانوونی، مژوولی ب ڕێڤەبرنا وان مامەلەیان بوون.</h2>
