وەزارەتا ساخلەمییێ داخوازا ڤەکێشانێ و ژناڤبرنا جۆرەکێ شیرێ زارۆکان دکەت

وەزارەتا ساخلەمییا هەرێما کوردستانێ ب نڤیسارەکێ کو ئاراستەیی هەموو ڕێڤەبەرییێن گشتی یێن ساخلەمییێ دکەت، داخوازا ژناڤبرن و ڤەکێشانا جۆرەکێ شیرێ زارۆکان ژ بازاران دکەت و ڕادگەهینیت کو یێ گونجایی نینە دگەل پیڤەرێن عێراقێ.

وەزارەتا ساخلەمییێ گۆت ژی: شیرێ هاتییە قەدەغەکرن ناڤێ وی (OPTILAC) ە و ل وەلاتێ چینێ دهێتە بەرهەمئینان، بەلێ لدووڤ ماددێ 159 یێ سلامەتیا خوارنێ یا عێراقی، هەموو جۆرێن شیرێ چینی و ئەو خوارنێن کو شریناهی و شیرێ چینی تێدا بن قەدەغەنە.
ژبەر ڤێ چەندێ، وەزارەت داخوازا ژناڤبرنا هەموو وان شیرێن چینی دکەت یێن د بازاران دا هەین، ب تایبەتی شیرێ OPTILAC

ئەڤا ل خوارێ ئاگەهدارییا وەزارەتا ساخلەمییێ یە بۆ هەر ئێک ژ ڕێڤەبەرییێن گشتی یێن ساخلەمییێ ل باژێر و دەڤەرێن (دهۆک، هەولێر، سلێمانی، هەڵەبجە، ڕاپەڕین، زاخۆ، کۆیە، سۆران و گەرمیان)، کو ژ لایێ د. سامان بەرزنجی، وەزیرێ ساخلەمییێ ڤە هاتییە ئیمزاکرن و پەسەند کرن.