پەیڤدارێ ڕێڤەبەریا گشتیا حەج و عومرێ ل هەرێما کوردستانێ دەمێ نوو یێ گەشتا حەجییان بۆ سعوودیێ ڕاگەهاند و گۆت: هەمی پێدڤی بۆ وان هاتینە دابینکرن، هەروەسا دشێن دو هزار دۆلاران ب بهایێ فەرمی وەربگرن.
ئەڤڕۆ سێشەمبی، 28ی نیسانا 2026، ڕۆژگار جەعفەر، بەرپرسێ ڕاگەهاندنا پرۆسەیا حەجێ ل هەرێما کوردستانێ دیار كر: هەر چەندە بڕیار بوو ل ڕۆژا 6ی گولانێ ئێکەم کاروانێ حەجییان بەرەڤ مەککەهێ بڕێکەڤیت، بەلێ دەم هاتە پاشخستن بۆ ڕۆژا پێنجشەمبی، 12ی گولانا 2026.”
ڕۆژگار جەعفەری گۆت ژی: “هەموو حەجییێن هەرێما کوردستانێ کو ژمارا وان پێنج هزار و 122 کەسن؛ دێ ب سێ کاروانان گەهنە باژێرێ مەککەهێ ل سعوودیێ، و پرۆسە دێ هەتا ڕۆژا ئێکشەمبی، 15ی گولانێ یا بەردەوام بیت.”
ئەو ژی گۆت: حەجی دێ ب ڕێکا پاسان گەهنە دەرگەهێ سنوری یێ عەرعەر ل سعوودیێ، پاشی ب ڕێکا فرۆکێ دێ هێنە ڤەگوهاستن بۆ باژێرێ جەددە و ژ وێرێ ژی ب پاسان دێ بەرەڤ باژێرێ مەککەها پیرۆز بڕێکەڤن.”