<h2>تونجەر باکرهان، هەڤسەرۆکێ پارتییا یەکسانی و دیموکراسییا گەلان (دەم پارتی) ب تەلەفۆنێ دگەل نێچیرڤان بارزانی، سەرۆکێ هەرێما کوردستانێ ئاخفت و رەوشا دەڤەرێ گەنگەشە کر.</h2> <h2> ل دووڤ ڕاگەهاندنا نڤێسینگەها ڕاگەهاندنا دەم پارتی کو ئەڤرۆ دوشەمبی، ٩ی ئادارا ٢٠٢٦ێ هاتییە بەلاڤکرن، د وێ پەیوەندییێ دا باکرهانی ئیدانا وان هێرشان کر یێن کو هاتینە سەر هەرێما کوردستانێ، باکرهانی سەرەخۆشی ل مالبات و کەسوکارێن وی کارمەندێ ئاساییشا فرۆکخانا نێڤدەولەتییا هەولێرێ کر، یێ کو ل ٧ی ڤێ مەهێ د هێرشەکا درۆنی دا بۆ سەر فرۆکخانێ گیانێ خۆ ژ دەست دایی.</h2> <h2> دەقێ وێ ڕاگەهاندنێ:</h2> <h2> "هەڤسەرۆکێ مە یێ گشتی تونجەر باکرهان، ژبەر هێرشێن ئیرانێ و گرۆپێن نێزیکێ وێ بۆ سەر هەرێما کوردستانا فیدرالی، پەیوەندیەکا تەلەفۆنی ل گەل نێچیرڤان بارزانی، سەرۆکێ هەرێما کوردستانا عێراقێ ئەنجام دا و هیڤیا سلامەتییێ بۆ خواست" د وێ پەیوەندییێ دا، باکرهانی ب توندی ئیدانا وان هێرشان کر یێن ژ لایێ ئیرانێ و گروپێن نێزیکێ وێ ڤە هاتینە کرن بۆ سەر هەرێما کوردستانا فیدرال، هەروەسا سەرەخۆشی ل کەسوکارێن وی کارمەندێ ئەمنی و گەلێ کوردستانێ کر، باکرهانی تەئکید ل سەر هەستیارییا پارتییا مە دەربارەیی ئاساییش و ئارامییا هەرێما کوردستانێ و خەلکێ وێ کر و گۆت: 'هوین ب تنێ نینن، ئەم ئیدانا وان هێرشان دکەین یێن دهێنە سەر هەرێما کوردستانا فیدرال.</h2>
