په‌یڤدارێ حكومه‌تێ: ده‌نگۆیێ چوونا ھێزێن كوردی بۆ ناڤ ئیرانێ دویره‌ ژ ڕاستییێ

پێشەوا هەورامانی، پەیڤدارێ حکومەتا هەرێما کوردستانێ ڕاگه‌هاندنه‌ك لدۆر چوونا هێزێن كوردی بۆ ناڤ ئیرانێ به‌لاڤكر و دیاركر، چ هێزێن كوردی نه‌چووینه‌ ناڤ ئیرانێ، ئه‌و ده‌نگۆیه‌ دویره‌ ژ ڕاستییێ و ئەڤ جۆرە راپۆرتە ب مه‌ره‌م دهێنە بەلاڤکرن.
دیار ژی كر، حکومەت و پارتێن سیاسی یێن هەرێمێ پشکه‌ك نینن د ڤی شه‌ڕیدا بۆ بەرفرهکرنا شەڕ و ئالۆزییان ل دەڤەرێ، هەلویستێ هەرێمێ یێ دیاره‌، داخوازا ئاشتی و ئارامییێ بۆ هەموو ده‌ڤه‌رێ دکەن.
د ئه‌ڤێ ڕاگه‌هاندنێدا، حكومه‌تا هه‌رێما كوردستانێ ئەو هێرشێن ڕۆژانە دهێنە سەر هەرێما کوردستانێ شه‌رمزاركرن و ب هێرشێن ترسنۆکانە وەسفکرن، داخواز ژ حکومەتا فیدرال و جڤاکێ نیڤده‌وله‌تی کر، کو پێشییا ڤان هێرشان بگرن، کار بۆ پاراستنا ئاخ و خەلکێ هەرێما کوردستانێ بکەن.