شێروان دوبەردانی: ل بەغدا شیعە و سوننی ل دژی کوردان پیلانان دگێرن

شێروان دوبەردانی، ئەندامێ پەرلەمانێ عێراقێ ژ فراکسیۆنا پارتی، هۆشداریەكا توند ددەت” دەربارەیی بزاڤێن بەغدا بۆ پشتگۆهخستنا کوردان و گۆهورینا هەڤکێشێن سیاسی، هەروەسا کار بۆ ب دووماهی ئینانا بنەمایێن “تەوافوق و شەراکەتێ” دهێتە کرن و دیسا ل داوی روونشتنا پەرلەمانێ عێراقێدا جۆرەكێ “پیلانگێرییێ” دناڤبەرا لایەنێن شیعی و سوننی دا هەبوو بۆ دەربازكرنا بڕگەكێ کو زیانێ دگەهینیتە بەرژەوەندییێن کوردان و بنەمایێ رێککەفتنا سیاسی تێکددەت، هەروەسا ئەڤە ئێکەم جار نینە

دەستوور دهێتە بنپێكرن، هەتا نوكە پتری 50 ماددێن دەستووری هەنە ژ لایێ بەغداڤە هاتینە ژ كارخستن یان ناهێنە بجهئینان.
دەربارەیی گۆرینا پۆستێ سوپاسالارێ عێراقێ دیار كر، ئەڤ پۆستە لدووڤ ئیستحقاقا نەتەوەیی و سیاسی مافێ کوردایە، بەلێ لایەنێن شیعە و سوننی دڤێت بێی ڤەگەریان بۆ کوردان، ڤی پۆستی و چەندین پۆستێن دیترێن بلند یێن ئەمنی و سەربازی نەهێلنە ژ دەستێن کوردان دا، وەک نموونە ل پارێزگەها نەینەوا” کورد ل زۆربەیا پۆستێن ئەمنیدا هاتینە پشتگوهخستن و چ فەرماندێن فەوجێ یان لیوا نینن.