ئەمیندارییا گشتییا جڤاتا وەزیرێن عیراقێ بڕیاردا، د هه‌یڤا ڕه‌مه‌زانێدا، دەمێ دەواما فەرمی ل هەموو فەرمانگەهـ و سازییێن حکومی ئێك ده‌مژمێر بهێتە کێمکرن.
ئەمیندارییا گشتی، وەزارەت و فەرمانگەهـ ڕاسپاردن کو ئەو ده‌می دیاربكه‌ن كا ئه‌و ئێك دەمژمێرا کێمکری ل دەسپێکا دەوامێ یان ل دووماهییا دەوامێ بیت، ب وی ڕەنگێ دگەل سروشتێ کارێ وان بگونجیت.
دهێته زانین، ئەڤ بڕیارە د دەمەکی دایە کو ل دویڤ پێشبینیێن فەلەکی دهێتە چاڤەڕێکرن، ڕۆژا چارشەمبی یان پێنجشەمبیا حەفتییا بهێت، ئێکەم ڕۆژا هه‌یڤا ڕەمەزانێ بیت.
