شێوەكارەكێ کورد بۆ جارا پێنجێ ژ لایێ وەزارەتا دەرڤە یا رووسیا هاتە خەلاتکرن

د رێورەسمەكێدا ل مۆسکۆ، وەزارەتا دەرڤەیا ڕووسیا بۆ سالا پێنجێ ل سەر ئێک، خەلاتێ باشترین شێوەكارێ ئەندازیارێ دبلۆماسی دایە شێوەكارێ کورد، نوریک موسایان.

نوریک موسایان ل وەلاتێ رووسیا دژیت” د وێ پێشبركێ دا” كو پتری 300 شێوەكاران ژ چەندین وەلاتێن جیهانی پشكداری تێدا كربوو، شییا پلا ئێكێ ب دەست خۆڤە بینیت” كەڤالێ وی وێنێ “گۆرەپانا سمۆلێنسکایا” بوو، ئەو بوو ئەگەرێ سەرکەفتنا وی د وێ هەڤركییێ دا.

ئەو خەلاتە ژ لایێ ماریا زاخارۆڤا، پەیڤدارا وەزارەتا دەرڤەیا ڕووسیاڤە پێشکێشی موسایانی هاتیە كرن.

ئەڤ سالە شێوەكارێن وەلاتێن ڕووسیا، ئەمریکا، نەمسا، هۆلەندا، کازاخستان، بیلاڕووس، مۆلدۆڤا، جۆرجیا، نیکاراگوا، ئۆزبەکستان، تورکیا و سووریا پشكداری د وێ  پێشبڕکێدا کربوو.

نوریک موسایان، گەنجەكێ کوردێ بەهرەمەندە و خۆجهێ مۆسکۆیە و د ژییێ 22 سالییێ دایە” ل گەل هندێ كو سەرکەفتنێن  باش د بیاڤێ شێوەكاری دا، قوتابیەكێ زیرەکە و ئەڤ سالە ل کۆلیژا تەلارسازی ب پلەیا نایاب تەمامکرییە.

 ژبەر لێهاتییا ژی، باوەرناما ڕێزلێنانێ (باوەرناما سوور) یا زانکۆیێ پێ هاتییە بەخشین و هەروەسا کورسییەکێ خواندنا ماستەرا بێ بەرامبەر ژی بۆ وی هاتییە پێشکێشکرن.