وەزیرێ دەرڤەیێ ئیسرائیلێ: كورد و دروزی د سووریایا ئەحمەد شەرعی دا د مه‌ترسییێ دانە

وەزیرێ دەرڤەیێ ئیسرائیلێ دیار كر: ئەحمەد شەرع پشتەڤانییا جیهادیێن دەستدرێژکار دكەت و زۆرا ترسناکە ل سووریایا ئەوی دا تو کورد بی یان ژی دروزی بی.

جەدعون ساعر، د پۆستەكێدا ل تۆرا جڤاكییا ئێکس” بەرسڤا ئەحمەد شەرعی، دایە و گۆتییە” گۆتارا شەرعی پشتەڤانی بوو ل جیهادییان و بەدەوەییان وەکو کەسێن خودان شەرەف و بوها وەسف کرن” هەروەسا دژی دروزان ئاخفت کو قوربانینە” كورتییا ئاخفتنا وی ئەوە” سووریایا سەردەمێ ئەحمەد شەرعی زۆرا ترسناکە” تو کورد بی یان ژی دروزی بی، د دەمێ شەش هەیڤێن بۆری دا ئەڤە هاتییە سەلماندن”

وەزیرێ دەرڤەیێ ئیسرائیلێ گۆت ژی “ئەرکێ پاراستنا کەمینەیێن سوورییێ، ل سەر ملێن جڤاكێ ناڤدەولەتییە.”