وەزارەتا ئەوقافێ و کاروبارێن ئاینی: هەموو حەجییێن کوردستانێ ڤەگەریانەڤە

پشتی ب دووماهی هاتنا حەجا ئەڤ سالە، ھەروەسا هەبوونا ئاریشا ڤەگەریانا حەجیان ب رێیا ( گەشتێن ئەسمانی) ژبەر ئالۆزییێن دەڤەرێ، ل سەر بڕیارا “مەسرور بارزانی” سەرۆکوەزیرێن کوردستانێ بۆ ڤەگەریانا حەجیان و گرتنەبەرا ڕێیا ب ساناهی بۆ ڤەگەریانا وان و ب  ھەماھەنگییا ” د. پشتیوان سادق”وەزیرێ ئەوقافێ و کاروبارێن ئاینی، ڕێکخستنا چەندین کۆمبوونان ل گەل لایەنێن پەیوەنیدار و بەرپرسێن وەلاتێن عەرەبستانا سعودیە، ئەم شییاین هەموو حەجیێن کوردستانێ كو هژمارا وان ( ٥١٣٥ ) حەجی بوون” ڤەگەرینینە كوردستانێ.

ب پشتەڤانییا خوداێ مەزن و بزاڤێن تیمێن کارگێری ئەڤ سالە ئەم شییاین پڕۆسەكا نموونە پێشکێش بکەین، ل حەجا ئەڤ سالە ب تنێ حەجییایەك ل مەککەها پیرۆز وەغەر کر.