د کۆمبوونێدا، کو ئەندرۆ بیزلی، کۆنسۆلێ گشتییێ بریتانیا ل هەرێمێ تێدا یێ ئامادە بوو، ڕەوشا گشتییا عیراقێ و دەڤەرێ و پێدڤییا چارەسەرکرنا کێشەیێن دناڤبەرا هەرێما کوردستانێ و حکومەتا فیدرالدا ل سەر بنەمایێ دەستووری و ڕێزگرتن ل قەوارێ دەستووری و فیدرالییێ هەرێمێ هاتنە گوتوبێژكرن.
سەرۆکێ حکومەتێ سوپاسییا بالیۆزێ بریتانیا کر ب هەلكەفتا ب دووماهیهاتنا ئەركێ وی و هیڤییا سەركەفتنێ د ئەركێ وی یێ بهێتدا بۆ خواست.
تەوەرەكێ دی یێ کۆمبوونێ یێ تایبەت بوو ب دانوستاندنێن پێكئینانا کابینا نوو یا حکومەتا هەرێمێ و هەردوولا ل سەر گرنگییا پێكئینانا حکومەتەکا بهێز و ئێکگرتی و خزمەتگوزار د نێزیكترین دەمدا د هەڤڕابوون، ل پێناڤی ڕووبڕووبوونا ئاستەنگان و درێژیدان ب کارناما چاکسازی و خزمەتکرنا هاولاتییێن هەرێما کوردستانێ.
