<h3 style="text-align: justify;"><span style="font-size: 18pt;">سه‌رۆكێ هه‌رێما كوردستانێ ل ڕێوره‌سمێن ده‌رچوونا 792 ئه‌فسه‌رێن پێشمه‌رگه‌ى ل كۆلیژا سه‌ربازییا زاخۆ ڕاگه‌هاند، پێشمه‌رگایه‌تى ئه‌ركه‌كێ پیرۆزه، ناسنامه‌یا نه‌ته‌وایه‌تییه، پێشمه‌رگه مه‌ترسى نینه، به‌لكو به‌رگریكاره ژ عیراقێ و هه‌رێما كوردستانێ.</span> <span style="font-size: 18pt;">نێچیرڤان بارزانى سه‌رۆكێ هه‌رێما كوردستانێ پشكداری د ڕێوره‌سمانداكر و گوتاره‌ك پێشكێشكرن و ڕاگه‌هاند، پێشمه‌رگه‌ى ئه‌فسانه‌یا داعشێ شكاند و ڕێ نه‌دا كوردستان بكه‌ڤیته ده‌ستێن وان.</span> <span style="font-size: 18pt;">50 ژنان پشكدارى دڤێ خۆلێدا كربوو، ل دۆر ڤێ چه‌ندێ سه‌رۆكێ هه‌رێما كوردستانێ دیاركر، ئه‌و شانازییێ دبه‌ت كو 50 ژن ژ كۆلیژا سه‌ربازییا زاخۆ ده‌رچووین و هیڤییا وى ئه‌وه دخۆلێن بهێندا ئه‌ڤ ژماره‌یه زێده‌تر لێ بهێت.</span> <span style="font-size: 18pt;">نێچیرڤان بارزانى دپشكه‌كا دییا گوتارا خۆدا به‌حسا ئالۆزییێن ڕۆژهه‌لاتا ناڤین كر و هه‌لویستێ هه‌رێما كوردستانی ڕوونكر و گوت: ئه‌و دگه‌ل ڕاوه‌ستاندنا شه‌رى و چاره‌سه‌رییێن ئاشتییانه دهه‌موو ئاریشه‌یاندانه، وان نه‌ڤێت هه‌رێما كوردستانێ و عیراق بكه‌ڤنه دناڤ شه‌ر و ئالۆزییاندا.</span></h3>
