مه‌سرور بارزانى سه‌رۆكێ حكومه‌تا هه‌رێما كوردستانێ دگوتاره‌كێدا ل پێشانگه‌هـ و كۆنفرانسێ پێنجێ یێ نێڤده‌وله‌تییێ ته‌كنۆلۆجیایێ ( هایتێكس 2024 ) ل هه‌ولێرێ ڕاگه‌هاند، هیڤییا وى ئه‌وه هایتێكس ببیته ده‌رفه‌ته‌ك بۆ زێده‌تر پێشڤه‌برنا هه‌رێما كوردستانێ و پێكڤه گرێدانا زێده‌تر یا هه‌رێمێ ب بازارى، جیهانێ و ته‌كنۆلۆجیایێڤه.
ل دووڤ ئاخڤتنێن مه‌سرور بارزانى، ب ئه‌لكترۆنیكرنا كاروبارێن حكومه‌تێ و دیجیتالكرنا خزمه‌تگوزارییێن گشتى ژ پێخه‌مه‌ت بلندكرن و بله‌زتركرنا ئاستێ خزمه‌تگوزارییان و رێگریكرنێ ل بیرۆكراسى و ب هه‌ده‌ردانا سامانێ گشتى، ئێك ژ ئارمانجێن وان یێن سه‌ره‌كى بوو.
