مەسرور بارزانی، سه‌رۆكێ حکومەتا هه‌رێما كوردستانێ پێشوازى ل تۆرکیلد بیوگ، بەرپرسێ نڤێسینگەها پەیوەندییێن ئێكەتییا ئەورۆپا ل هەرێما کوردستانێ کر.
سه‌رۆكێ حکومەتا هه‌رێمێ سوپاسییا هاریکاری و پشتەڤانییا ئێكەتییا ئەورۆپا ل هەرێما کوردستانێ کر، پێزانین بۆ ڕۆلێ بەرپرسێ نڤێسینگەها ئێكەتییا ئەورۆپا د گرنگیدانا پەیوەندییێن دوولایەنە دا دیاركر.
بەرپرسێ نڤێسینگەها پەیوەندییێن ئێكەتییا ئەورۆپا، دووپات ل بەردەوامبوونا کار و چالاکییان و درێژەدان ب هاریكاری و هەماهەنگییا ل گەل حکومەتا هەرێما کوردستانێ کر.
د تەوەرەكێ دی یێ دیدارێدا، دانوستاندن ل دۆر ئامادەکارییێن هەلبژارتنێن پەرلەمانێ کوردستانێ کر و ئاماژە ب گرنگییا پشكدارییا چاڤدێرییا نیڤدەولەتی و ئێكەتییا ئەورۆپا ب تایبەتی هاتە كرن، بۆ هندێ پرۆسا هەلبژارتنان ب شێوەكێ دادپەروەرانە و دویر ژ پێشیلکاری و ساختەکاری بهێتە ئەنجامدان.
