نێچيرڤان بارزانى پێشوازى ل كونسولێ گشتيیێ نوو یێ ئه‌مريكا كر

ئه‌ڤڕۆ چارشه‌مبی‌ 2024/8/14 ێ” نێچيرڤان بارزانى، سه‌رۆكێ هه‌رێما كوردستانێ، د ديداره‌كێدا ل ‌گه‌ل ستێڤ بيتنه‌ر كونسولێ گشتيىێ نوو یێ ئه‌مريكا ل هه‌رێما كوردستانێ، زێده‌باری بخێرهاتنێ، پيرۆزباهییا ده‌ست‌ بكاربوونێ لێكر و هیڤییا سه‌ركه‌ڤتنێ بۆ خواست، هه‌روه‌سا حه‌زا هه‌رێما كوردستانێ بۆ پێشڤه‌برنا هاريكاریيێن هه‌ڤپشك و په‌يوه‌ندييێن ل ‌گه‌ل ئه‌مريكا دوپاتكرن.

د وێ‌ ديدارێ ‌دا” كو مارك سترۆ كونسولێ گشتيیێ پێشتر یێ ئه‌مريكا ل‌ هه‌رێما كوردستانێ ئاماده ‌ببوو، سه‌رۆك نێچيرڤان بارزانى سوپاسییا كونسولێ پێشتر كر و هيڤییا سه‌ركه‌ڤتنێ بۆ خواست، ئه‌وی ژی ژ لایێ خۆڤه‌ سوپاسییا هاریكارى و پشته‌ڤانییا لايه‌نێن‌ په‌يوه‌نديدارێن هه‌رێما كوردستانێ بۆ سه‌رخستنا ئه‌ركێ وی ده‌ربڕین.

هه‌روه‌سا كونسولێ گشتيیێ نوو یێ ئه‌مريكا به‌رده‌واميیا پشته‌ڤانى و هه‌ڤپشكی و هه‌ڤپه‌يمانيیا وه‌لاتێ خۆ ل ‌گه‌ل عێراقێ و هه‌رێما كوردستانێ دوپاتكر، هه‌روه‌سا هه‌ردو ئالییان ته‌كه‌زی ل سه‌ر‌ گرنگيیا هه‌لبژارتنێن په‌رله‌مانێ كوردستانێ كرن‌ و هيڤی خواستن پرۆسا ده‌نگدانێ سه‌ركه‌ڤتییانه‌‌ برێڤه‌‌ بچیت.

په‌يوه‌ندييێن هه‌ولێر و به‌غدا، ره‌وشا ناڤخۆیا عێراقێ و هه‌رێما كوردستانێ و داوی پێشهاتێن ده‌ڤه‌رێ ب ‌گشتى، ته‌وه‌ره‌كێ دیتر یێ وێ ديدارێ بوون.