سەرۆک بارزانی ل بەغدا پێشوازی ل بالیۆزێ چینێ ل عیراقێ کر

سەرۆک بارزانی ل بەغدا دگەل باڵیۆزێ چینێ کۆمبوو و ئاماژە ب مەرەما سەرەدانا خۆ بۆ بەغدا کر.

پشتی  نیڤرۆ یا ئەڤرۆ چارشەمبی 3 تەموزا 2024، ل باژێڕێ بەغدا سەرۆک مەسعود بارزانی پێشوازی تسوی وی، باڵیۆزێ چینێ ل عیراقێ کر.

د دیدارێ دا، ڕوناهی خستە سەر ڕەوشا سیاسییا عیراقێ و سەرۆک بارزانی، ئەگەرێن سەرەدانا خۆ بۆ بەغدا و کۆمبوونێن دگەل لایەنێن سیاسی یێن عیراقێ دیارکرن و ڕاگەهاند کو مەرەم ژ سەرەدانێ چارەسەرکرنا ئاریشەیێن دناڤبەرا حکومەتا هەرێمێ و حکومەتا عیراقا فیدڕالە و ب دەلیڤەیەکا بش ل قەلەم دا بۆ ئێکلاکرنا ئاریشەیان و ل بەرچاڤگرتنا بەرژەوەندییێن نیشتیمانی.

 هەر د ئەوێ دیدارێ دا، بالیۆزێ چینێ خۆشحالییا خۆ بۆ سەردانا سەرۆک بارزانی بۆ بەغدا دیارکر و پشتەڤانییا وەلاتێ خۆ بۆ چارەسەرکرنا ئاریشەیێن دناڤبەرا هەولێر و بەغدا دا ڕاگەهاند، هەروەسا خۆشحالییا خۆ بۆ دیارکرنا دەمێ ب ڕێڤەچوونا هەلبژارتنێن پەرلەمانێ کوردستانێ دیارکر.

پەیوەندییێن دناڤبەرا هەرێما کوردستانێ و وەلاتێ چینێ دا د بوارێن جودا جودا دا تەوەرێن دی یێن کۆمبوونێ بوون.