<h3></h3> <h3>ئاژانسا خانی:</h3> <h3></h3> <h3>کەمال موسلم، وەزیرێ بازرگانی و پیشەسازی ل حکومەتا هەرێما کوردستانێ دیار كر: ئه‌ڤ ساله ل 6 ی خزیرانێ مه دەست ب وەرگرتنا گەنمی کرییە و هه‌تا نوكه ئه‌و پرۆسە ب باشی بڕێڤە دچیت.</h3> <h3>ناڤهاتی گۆت ژی: ساڵانە هه‌تا نێزیکی 40 بۆ 45 ڕۆژان دەرگه‌هێ سایلۆیان دهێته ڤالاكرن بۆ هندێ جۆتیار گەنمێ خۆ ڕادەست بکەن، بەلێ هه‌كه مه دیت و یا پێدڤی بیت، دێ ده‌مێ وه‌رگرتنا گەنمی درێژتر لێ كه‌ین.</h3> <h3>كه‌مال موسلم هێشتا دبێژیت، هه‌تا نوكه 133 هزار و 260 ته‌نێن گەنمی ل هەموو هەرێما کوردستانێ هاتینه وەرگرتن، ل پارێزگه‌ها سلێمانییێ 50 هزار 80 ته‌ن و ل پارێزگه‌ها دهۆکێ 47 هزار و 650 ته‌ن و ل هەولێرێ ژی 34 هزار و 730 ته‌نێن گه‌نم هاتینه وه‌رگرتن.</h3>
