مەسرور بارزانی، سەرۆكێ حكومەتا هەرێما كوردستانێ د كۆمبوونا ئەڤرۆ یا جڤاتا وەزیران دووپات ل ڕۆژا جیهانییا ژینگەهێ كر و دیاركر، پێدڤییە هەمی ڕۆژ، ڕۆژێن پاراستنا ژینگەهێ بن و دڤێت هەمی بزاڤ ژ پێخەمەت گرنگیدانا فەرهەنگا ژینگەهـ پارێزییێ بهێنە دیاركرن.
سەرۆکوەزیرێن هەرێمێ دووپات ل پابەندبوونا حکومەتا هەرێمێ ب بابەتێ ژینگەهـ پارێزییێ کر و ڕاگەهاند، پێدڤییە ژینگەهـ پارێزی ئەرک و خەما هەمییان بیت و دڤێت ژینگەهـ و سروشتێ جوانێ کوردستانێ ب پاقژی بهێنە ڕاگرتن، هەروەسا دڤێت تشتەكی بکەین كو نڤشێ پشتی مە ژی ب باشی مفای ژ ژینگەها پاقژ وەربگریت، ژبەركو ئەڤ سروشتە ب تنێ ملكێ مە نینە و ملکێ نڤشێ پشتی مە ژی یە و دڤێت پاراستن و گەشەپێدانا ژینگەهێ كارێ مە هەمییان بیت.
