وه‌به‌رهێنه‌ره‌كێ قەتەری دێ سێ پڕۆژێن وه‌به‌رهێنانێ ل زاخۆ ئه‌نجامده‌ت

ئاژانسا خانی:

رێڤه‌به‌رێ وەبەرھێنانێ ل ئیدارا سه‌ربه‌خۆیا زاخۆ دیار كر: شانده‌كێ وه‌لاتێ قەتەر سەره‌دانا زاخۆ کر و بڕیارە سێ پڕۆژان ل زاخۆ دروست بکەن.

جگەرخوین تاهر” زێده‌تر بۆ ئاژانسا خانی گۆت: شانده‌كێ وەبەرھێنانێ یێ قەتەری سەره‌دانا زاخۆ کر و مه‌ ژی کۆمەكا دەلیڤێن وەبەرھێنانێ پێشکێشی وان کرن، وان ژی سێ پڕۆژە پەسەند کرن، ئێک ژ وان پڕۆژەكێ چاندنێیه‌ و دێ ل سەر ڕووبەرێ هزار دۆنه‌مان هێته‌ چێكرن و ئه‌و پرۆژه‌ 10 كیلۆمه‌ترا ژ سه‌نته‌رێ باژێری دووره‌، پڕۆژەكێ دیتر یێ پیشەسازییە، كو دێ کارگەهه‌كا گۆشتی هێته‌ دروستكرن و تێدا دێ 25 جۆرێن گۆشتی هێنه‌ بەرھەمئینان، هه‌روه‌سا پڕۆژێ سێیێ چێكرنا كۆمه‌لگه‌هه‌كا خوارنێیه‌ كو برانده‌كێ خوارنا مسرییە و زنجیرەكا خوارنگەهان بناڤێ بازوکا ل کۆرنێشێ زاخۆ و پرا دەلال دێ هێنه‌ دروستكرن.

ناڤهاتی گۆت ژی: ل زاخۆ مه‌ بەرھەمێ ناڤخۆیی هه‌یه‌، وه‌كو ھنار، ھنگڤین، ئاڤا ڤه‌خوارنێ و زەیتا زەیتوونان” وه‌لاتێ قه‌ته‌ر ژی داخواز كرییه‌ كو ئه‌و به‌رهه‌مه‌‌‌ بۆ وه‌لاتێ وه‌لاتێ وان بهێنه‌ هنارتن” د هه‌مان ده‌مدا پشتی چه‌ند رۆژێن دی دێ تیمه‌كێ تەکنیکییێ خۆ ڕەوانەیی زاخۆ کەن بۆ هندێ نەخشە و پلان و ڕێکارێن پێدڤی ئەنجام بدەن و دەست ب پڕۆژێن خۆ بکەن.