سەرۆککۆمارێ عیراق و سەرۆککۆمارێ تورکیا ل کۆچكا سەرۆکایەتییێ ل بەغدا كۆمبوون. ل دویڤ ڕاگەهاندنا سەرۆکایەتییا کۆمارا عیراقێ، لەتیف رەشید دیاركر، ڕەتدكەین كو ژ وەلاتێ مە هێرش بهێنە كرن بۆ سەر وەلاتێن جیران.
سەرۆکایەتییا کۆمارا عیراقێ ل دۆر كۆمبوونا لەتیف رەشید، سەرۆککۆمارێ عیراقێ و رەجەب تەیب ئەردۆگان، سەرۆککۆمارێ تورکیا ڕاگەهاندنەك بەلاڤكر و تێدا دیاركر، هەردوولایان دووپات ل بزاڤان بۆ باشتركرنا ئاسایشا سنووری، بەرهەنگاربوونا ئاریشەیان و گوهۆرینێن سەقایی و ژینگەهـ و قەیرانێن ئاڤێ هاتە كرن.
هەروەسا ئەردۆگان دووپات كر، كو ئەنقەرە دێ یا بەردەوام بیت د پشتەڤانیكرنا عیراقێ دا بۆ بجهئینانا پڕۆژەیان ب ڕێكا گەشەپێدان و د پێدڤییێن عیراقێ بۆ ئاڤێ.
