پەیڤدارێ كونسولخانا چینێ ل هەولێرێ دیارکر پشتی بەلاڤبوونا چەند ڕاپۆرتان ژلایێ هندەک دەزگەهێن ڕاگەهاندنێ ڤه ل هەرێما کوردستانێ، ده‌رباره‌یی بەرهەمەکێ شامپۆیێ ب ناڤێ “Brimles Herbal-Bubble”، بۆ جهێ پرسیارێ ل دەف مە و ل ڤێرە مە دڤێت هەڤسۆزیا خۆ بۆ ب کارهێنەرێن ئه‌وی به‌رهه‌می بگەهینین.
ئەم نیگەرانیا خۆ بۆ ڤێ ڕوودانێ ده‌ڕدبڕین و ئامادەینە هه‌ماهه‌نگییێ ل گەل لایه‌نێن پەیوەندیدارێن حکومەتا هەرێما کوردستانێ بکەین ب مەرەما زانینا ژێدەر و کەنالێن ئینانا وی بەرهەمی و زانیارییان سەبارەت ب ئەنجامێن پشکنینا کوالیتییێ دیار بکەین.
بەرهەمێن چینی ژلایێ بها و کوالیتیێ گەلەک سەرنجڕاکێشن و هەر ئەڤە بوویە ئەگەر ل رێزا پڕفرۆشترین بەرهەم ل سەرانسەری جیهانێ دا و هەروەسا ژلایێ خەڵکێ هەرێما کوردستانا و عیراقێ گەلەک ب ناڤودەنگن” حکومەتا چینێ گرنگییەکا مەزن ب کوالێتی و سلامەتییا بەرهەمێن هناردەکریێن چینێ ددەت” فه‌رمانگه‌هێن ڕێکخستنا بازاڕی و گومرگێ ب توندی بڕگێن پەیوەندیدارێن یاسایا کۆمارا میللی یا چینێ سەبارەت ب کوالێتیا بەرهەمان و یاسایا کۆمارا میللی چین سەبارەت ب پشکنینا بەرهەمێن هاوردە و هناردەکرنێ جێبەجێ دکەن و پشکنین و چاڤدێرییا کوالیتیا بەرهەمێن چینێ ئەنجام ددەن و کوالێتیا وان و پشکنینێ بۆ بەرهەمێن هەناردەی دەرڤەی وەلاتی دکەن.
مە پێخۆشە هەماهەنگییێ ل گەڵ لایه‌نێن پەیوەندیدارێن حکومەتا هەرێما كوردستانێ بکەین و هوورکارییێن تەمام یێن وێ ڕوودانێ وەربگرین ب مەرەما به‌رهنگاربوونا هەر کێشەکێ کو رەنگە د پرۆسا هاوردەکرنا واندا هەبیت.
ئەم ل وێ باوەریێنە كو هەر بەرهەمەکێ ساختە و خراپ، دەمێ دهێتە پشتراستکرن، پێدڤییە ب لەز ل بازاڕی بهێتە ڤەکێشان و ب رێیا بزاڤێن هەڤپشک دشێین بەرژەوەندی و مافێ ب كارهێنه‌ران ل پلا ئێکێ بپارێزین.
