دادگه‌ها ئورۆپا ئاماژه ب دروستییا ڕێكخستنا پرۆژه‌یێ ( سوپه‌رلیگێ ) ل ئورۆپا دا، هه‌ردوو ئێكه‌تییێن ئورۆپا و فیفا ژى ب هندێ تومه‌تباركرن كو ئاسته‌نگان بۆ ڤه‌كرنا ڤێ قاره‌مانییێ په‌یدا دكه‌ن.
دادگه‌هێ ئه‌ڤرۆ هه‌ردوو ئێكه‌ییێن ئورۆپا و جیهانێ ب هندێ تومه‌تباركرن، كو ده‌ستهه‌لاتێن خوه ب شێوه‌یه‌كێ شاش به‌رامبه‌ر یانه‌یێن ڕێكخه‌رێن سوپه‌رلیگێ بكاردئینن و دووپاتكر، وان چ ماف نینه سزایان ل سه‌ر یانه‌یان ب سه‌پینن، ده‌ستهه‌لاتا ئێكه‌تییا ئورۆپا ب دووماهى هات، ئێدى یانه ژ سزایان ناترسن و نوكه دشێن پاشه‌رۆژا خوه دیاربكه‌ن.
شێوازێ نوو یێ سوپه‌رلیگێ دێ ب ڤى شێوه‌ى بیت:
-
64 یانه دێ پشكدارییێ كه‌ن
-
سێ ئاستێن جۆدا دێ هه‌بن ئه‌وژى ( خۆلا ستێران، خۆلا زێرین و خۆلا شین ).
خۆلا ستێران دێ ( 16 یانه )بن، خۆلا زێرین دێ ( 16 یانه )بن و خۆلا شین دێ ( 32 یانه )بن.
-
یانه‌یێن پشكدار دێ ل دووڤ ئاست و ئه‌نجامان پشكدارییێ كه‌ن، چ یانه پشكدارییێ ناكه ئه‌گه‌ر ژ هه‌ژى نه‌بن.
-
چ یانه پشكدارییا خوه د هه‌موو قاره‌مانییاندا گره‌نتى ناكه‌ن، هه‌موو پشكدارى دی ل دووڤ ئاست و ئه‌نجامان بن.
-
داكه‌ڤتن و سه‌ركه‌ڤتن دناڤبه‌را خۆلاندا دێ هه‌بیت .
-
هه‌ر یانه‌یه‌كا خۆلا ستێران و خۆلا زێرین دێ 14 یارییان د قووناغا كۆماندا كه‌ت، حه‌فت یارییان ل یاریگه‌ها خوه و حه‌فت یارییان ژ ده‌رڤه‌ى یاریگه‌ها خوه.
-
قاره‌مانێن هه‌رسێ خۆلان و یانه‌یێن دادكه‌ڤن و سه‌ردكه‌ڤن دێ ب سیسته‌مێ دوو یارییێن ل یاریگه‌هێن خوه و ژ ده‌رڤه‌ى یاریگه‌هێن خوه هێنه دیاركرن.
-
یارى دێ ل نیڤا حه‌فتییێ هێنه كرن و كارتێكرنێ ل یارییێن خۆلێن ناڤخۆی ناكه‌ن.
