ئومێد سەباح: داخوازێ ژ هەموو کوردستانیان دکەم چارەنڤیسێ کەرکووکێ ئێکلایی بکەن

ئومێد سەباح داخوازێ ژ خه‌لكێ کەرکووکێ دكه‌ت، پشكدارییێ د پرۆسا دەنگدانێ دا بکەن و ب دەنگێن خۆ چارەنڤیسێ وی باژێری ئێكلا بكه‌ن.

ئومێد سەباحی” سەرۆکێ دیوانا جڤاتا وەزیرێن هەرێما کوردستانێ ل کەرکووکێ پشكداری د پرۆسا دەنگدانێ بۆ جڤاتا پارێزگه‌هێ کر و گۆت: “به‌ری هەموو تشتان دخوازم ئه‌ڤ پرۆسە ب باشی برێڤەبچیت، داخوازێ ژ هەموو کوردستانییێن کەرکووکێ دکەم بچنە سەر سندووقێن دەنگدانێ و چارەنڤیسێ وی باژێری ئێکلایی بکەن، هیڤی دکەم ئەو زولم و ستەما هه‌ییی ب هیمەتا هەموو ئالییان ب دووماهی بهێت”.

هه‌روه‌سا گۆت ژی: هیڤی دکەم کوردستانییەکێ کەرکووکێ ببیتە پارێزگارێ کەرکووکێ و کار بۆ هەموو نەتەوە و پێکهاتان بکه‌ت، چونکی کەرکووک باژێرێ پێکڤە ژیانێیە”.